Поликсена Илиоска- добитник на државната награда „Мајка Тереза“
Наградата и се доделува на Илиоска за особено значајни остварувања од интерес на државата во областа на хуманоста и човечката солидарност и за поттикнување...
Поликсена Илиоска, претседателка на Здружението на граѓани за култура и уметност „Ан-блок“ од Скопје, е годинашната добитничка на државната награда „Мајка Тереза“, соопшти Министерството за култура.
Наградата и се доделува на Илиоска за особено значајни остварувања од интерес на државата во областа на хуманоста и човечката солидарност и за поттикнување, унапредување на меѓусебното разбирање и развој на соработката како меѓу народите, така и меѓу припадниците на различните заедници, култури и вери – се вели во оразложението.
Наградата ќе и биде врачена на добитничката на 26 август, во Собранието на Република Македонија.