Саем на книга пред почетокот на Струшките вечери на поезијата

Во пресрет на 53-те Струшки вечери на поезијата, кои свечено ќе бидат отворени во четврток, во Домот на поезијата во Струга почна првиот саем на книгата и недела на поетски документарни филмови посветени на поезијата.

Летниот саем на книгата првпат се одржува годинава а целта, според директорот на СВП, Мите Стефоски, е да се поттикне читателската публика и перцепцијата за поезијата преку книгите.

„Преку саемот сакаме да ја доближиме книгата до читателите од целиот регион, но и за гостите и посетителите. Да го поттикнеме читањето, што е и суштинска смисла на фестивалот, како промотор на поезијата“, рече Стефоски.

Предвидени се повеќе книжевни промоции, како и средби на издавачи и поети.