Нови цени на горивата од полноќ

Чекор кон смирување на инфлацијата може да биде новото поевтинување на горивата од полноќ. Цените на бензините се намалуваат за 1,5 денар, па Еуросупер БС-95 ќе се продава за 74 денари за литар, а 98-ката за 76 денари. Дизелот поскапува за половина денар, па од полноќ ќе се продава за 70 денари за литар. 

Цената на екстра лесното масло за домаќинство останува непромената, односно, 69,5 денари за литар, а мазутот поевтинува и ќе се продава за 39,409 денари за килограм. 

Во просек, малопродажните цени на нафтените деривати се намалуваат за 0,73 проценти.