Лишен од слобода возач во Демир Хисар, возел под дејство на алкохол

Вчера во 20.35 часот на ул. „Битолска“ во Демир Хисар, од страна на полициски службеници од ОВР Демир Хисар е лишен од слобода Б.М.(59) од с. Бучин, крушевско, соопштија од МВР.

При контрола во патниот сообраќај, полициските службеници сопреле патничко возило „мазда“ со крушевски регистарски ознаки, кое го управувал Б.М., и по преземени мерки било констатирано дека бил под дејство на алкохол, односно измерени му се 1,58 промили алкохол во крвта.

По документирање на настанот, ќе биде поднесена пријава по чл. 297-а од КЗ „безобѕирно управување со моторно возило“.