Сериозен пожар, во опасност домови во Крива Паланка

Од територијалната единица потенцираат дека сите нивни екипи се на терен. Побарале помош и од соседните општини. Помош имаат и од екипите од јавното претпријатие Македонски шуми, како и месното население. Според последните информации, неколку куќи во село Градец веќе се изгорени, потенцираат од противпожарната единица.

Градоначалникот на Крива Паланка јавно побара итна помош од државните институции и соседните општини, укажувајќи дека во опасност е населено место Лозаново. Апелираше и локалното население да се вклучи во гаснењето.