Tрамп најави 50 отсто царина за Бразил
Трамп претходно информираше најмалку 14 земји за новите царини од 1-ви август...
Американскиот претседател објави царина од 50 насто за Бразил. Трамп претходно информираше најмалку 14 земји за новите царини од 1-ви август.
Европската Унија и натаму нема добиено писмо, се очекуваат преговори. Шефот на Белата Куќа истакна дека доцнењето за одлука за Брисел се случува затоа што ЕУ сега се однесува многу убаво кон САД.
Од Европската Комисија велат дека се подготвени на секое сценарио. Претходно, Трамп објави дека најавените царини од 50 проценти за бакарот, ќе важат за сите земји почнувајќи од први август.
Најновите закани ги зголемуваат стравувањата дека неправилната трговска стратегија на претседателот ризикува да ја влоши инфлацијата низ САД, пишуваат светските агенции.