Протести во Сао Паоло против одлуките на Трамп

Социјалните движења и поддржувачите на бразилскиот претседател Луиз Инасио Лула да Силва на протест во Сао Паоло против американскиот претседател Трамп. Синдикатите и левичарските движења повикаа на оданочување на милијардерите. Бразилскиот претседател да Силва изјави дека ќе воведе одмазднички тарифи за САД доколку Трамп го исполни ветувањето за зголемување на увозните даноци за 50% во врска со кривичниот процес против неговиот претходник, Жаир Болсонаро.

„Соединетите Американски Држави се империјалистичка земја и мислат дека владеат со целиот свет. Тие сакаат да го оданочат целиот свет и земјите од БРИКС. Но, ние разбираме дека на САД им се потребни други земји, како што е Бразил“, изјави демонстрант.

„Она што го прави Трамп е апсурдно. Наместо да се грижи за својата земја и нејзините луѓе, кои се во неволја, живеат на улиците, под мостовите и под каналите, многу полошо од Бразил, тој сака да се меша во туѓа земја. Не може!“, изјави друг демонстрант.

Во меѓувреме Трамп изјави дека САД ќе воведат царини од 35 проценти за увоз од Канада следниот месец и планира да воведе генерални царини од 15 или 20 проценти за повеќето други трговски партнери