ЕУ ќе го одложи воведувањето на реципрочни царини кон САД

ЕУ – најголемиот трговски партнер на САД и најголемиот трговски блок во светот – требаше да воведе контрамерки почнувајќи од денеска.

„Секогаш бевме многу јасни дека претпочитаме преговори. Ова останува случај и ќе го искористиме времето што го имаме сега до први август. Подготвени сме за ова и можеме да одговориме со контрамерки доколку е потребно“, изјави Урсула фон дер Лајен, претседателка на Европската комисија.

Американскиот претседател објави дека од 1 август, стоките увезени во Америка од ЕУ и Мексико ќе подлежат на царинска давачка од 30 проценти. Во слични писма Трамп најави воведување царини и за други земји.