Иванов: Потребни се лидери за предизвиците што ги носи новото време

Живееме во свет, кој е многу повеќе поврзан и зависен од кога било во историјата на човештвото и чуствува глобални предизвици, потенцира претседателот Иванов на отворањето на петтата по ред Школа за млади лидери.

„За животот во таков век потребни се и лидери, кои ќе знаат да излезат во пресрет на сите предизвици што ги носи новото време“, нагласи Претседателот Иванов и истакна дека целта на Школата за млади лидери е да создаде луѓе кои ќе бидат најдобри во својата област.

Поранешниот српски претседател и предавач на Школата, Борис Тадиќ забележа дека ни се потребни лидери, кои ќе преземат одговорност и ќе ги водат своите општества и земји во вистинската насока.

На годинашната школа за млади лидери, што се организира на иницијатива на претседателот Ѓорге Иванов има 40 учесници и 20 предавачи од Македонија, Европа, САД, Канада и од Кина.