Приведен возач од Битола, возел со брзина од 197 км на час на место каде е дозволено 80

Вчера во 18.10 часот, на автопатот А1 Демир Капија – Миравци, во близина на првиот тунел, полициски службеници од ОВР Неготино го лишија од слобода С.Р.(29) од Битола, информираат од МВР.

При радарска контрола во патниот сообраќај, полициските службеници констатирале дека тој управувал патничко возило „БМВ“, со скопски регистарски ознаки, со брзина од 197 километри на час на место каде брзината на движење е ограничена на 80 километри на час.

Известен е јавен обвинител и по документирање на настанот против С.Р. ќе биде поднесена пријава по член 297-а од Кривичниот законик „безобѕирно управување моторно возило“, се наведува во соопштението.