Белата куќа објави дека претседателот Трамп е во добро здравје

Белата куќа објави дека претседателот Трамп бил прегледан поради оток во нозете и дека му е дијагностицирана хронична венска инсуфициенција. Портпаролката Каролин Ливит сподели белешка од лекарката на Трамп во која детално е опишан прегледот.

„Претседателот беше подложен на сеопфатен преглед, вклучувајќи дијагностички васкуларни студии. Беа извршени билатерални доплер ултразвуци на вени на долните екстремитети и открија хронична венска инсуфициенција, бенигна и честа состојба, особено кај лица над 70 години“, изјави Каролин Ливит, портпаролка на Белата куќа.

Трамп наполни 79 години изминатиот месец.