Завршни зборови на одбраната во случајот „Шпион“

Завршни зборови на адвокатите на обвинетите во судскиот процес за мега скандалот „Шпион“. Тие го оспоруваат обвинителниот акт со тврдење дека нивните клиенти не се виновни и дека се жртви на првообвинетиот, поранешниот разузнавач Маријан Ефремов, кој в петок ќе одговори  на обвинувањата.

Во завршните зборови, обвинителството побара, обвинетите да се прогласат за виновни и да бидат осудени на затворски казни, но и ги прецизираше обвинителните акти кај дел од обвинетите.

Ексдиректорот на Управата за спречување на перење пари и корупција, Ване Цветанов, веќе не е обвинет за шпионажа, но се уште се товари за злосторничко здружување и издавање државна службена или воена тајна.

Обвинителството, исто така, изврши измена на правната квалификација на обвиненијата за поранешниот генерал на полицијата Горан Стојков, и за поранешниот разузнавач Александар Диневски.

Во овој судски процес, на обвинителната клупа седат 17-мина, кои се товарат дека прибирале доверливи информации и државни тајни,што му ги доставувале на Ефремов, а тој пак, ги продавал на странски разузнавачки служби.

Новинарот Зоран Божиновски е сеуште во екстрадициски притвор во Нови Сад.