Здравствената состојбата на Гаши е стабилна, се прават детални анализи

Претседателот на Собранието Африм Гаши е хоспитализиран на Клиниката за дигестивна хирургија во клиничкиот центар. Неговата состојба е стабилна и поминува низ детални здравствени прегледи – потврдуваат од Собранието.

Според докторите има преплет на цревата . Се лекува медикаментозно и засега не е планирана хируршка интервенција . Со болки во стомакот доцна синоќа тој бил примен во болница, и ќе биде задржан на болничко лекување додека е потребно, вели директорот на клиниката, Костовски .