НБ: Каматните стапки остануваат непроменети

Се задржува внимателниот пристап при водењето на монетарната политика, каматните стапки остануваат непроменети, велат од народната банка. Каматната стапка на благајничките записи останува на нивото од 5,35 проценти, а на депозитите преку ноќ и на 7 дена на нивоата од 3,95 отсто и 4 отсто.

Понудата на благајничките записи на редовната аукција ќе биде исто така непроменета, односно ќе изнесува 10 милијарди денари – одлучи Извршниот одбор за монетарна политика. Целокупниот сет досегашни мерки е насочен кон одржување на ценовната стабилност на среден рок и кон зачувување на стабилноста на девизниот курс на денарот во однос на еврото, велат од централната банка. Препораката е внимателно да се следи инфлацијата.

Стабилна е и состојбата на девизниот пазар. На крајот на јуни, нивото изнесува 4.697,6 милион евра, што, според народната банка, е соодветно за одржување на стабилноста на курсот на домашната валута.