ЦУК: Активни три пожари, 24 се изгаснати

Според последните информации од Центарот за управување со кризи активни се три пожари во земјава и тоа во општините Василево, Прилеп и Кавадарци.

Еден е под контрола, а 24 се изгаснати. Најзагрозени подрачја се малешевските планини, околината на Прилеп и просторот меѓу селата Галиште и Ќесендре.

Интервенциите се отежнати поради непристапен терен и опасност од детонации. Во гаснењето вчера чешкиот „Блек хок“ хеликоптер интервенираше од воздух, поддржан од копно од пожарникарите од Словенија.