Променливо облачно и нестабилно со локален пороен дожд и грмежи
Наместа процесите ќе бидат поинтензивни во форма на невреме со пообилен пороен дожд за кратко време (над 15 л/м2), силен ветер (над 60 км/ч) и изолирана појава на град, соопшти УХМР...
Времето денеска ќе биде променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со пообилен пороен дожд за кратко време (над 15 л/м2), силен ветер (над 60 км/ч) и изолирана појава на град, соопшти УХМР.
Минималната температура ќе биде во интервал од 13 до 20, а максималната ќе достигне од 25 до 32 степена.
Во Скопје, променливо облачно и нестабилно со пороен дожд и грмежи. Во делови од котлината ќе има појава на невреме со пообилен пороен дожд, силен ветер и изолирана појава на град. Минималната температура ќе се спушти до 19, а максималната ќе достигне до 30 степени.