Нова цена на горивата од полноќ

Бензините поскапуваат, дизелот поевтинува. Регулаторната комисија за енергетика ги соопшти новите цени на горивата што ќе важат од полноќ. Бензините поскапуваат за денар, па така, литар Еуросупер бс-95 ќе се продава за 75 денари за литар, а Еуросупер БС-98 за 77 денари за литар.

Дизелот и екстра лесното масло за домаќинство поевтинуваат за денар. Новата цена на дизелот е 69,5 денари за литар, исто колку е цената на екстра лесното.

Мазутот, пак, поскапува за 0,533 денари за килограм. Во просек, малопродажните цени на нафтените деривати се зголемуваат за 0,24 проценти.