Принудна наплата на долг за струја од 100 илјади должници во Србија

Електростопанство на Србија најави дека од понеделник ќе почне принудната наплата на долгот за испорачана електрична енергија на  100 илјади  потрошувачи  за сите сметки  заклучно со ноември 2013-та.

Освен основниот долг извршителите ќе наплаќаат и камата, но и трошоци за извршување, кои се фиксни за долгови до 30 илјади српски динари и изнесуваат 14 % од овој износ, а потоа сумата  расте  според посебна тарифа.

Сите предмети ќе бидат распоредени на голем број извршители. Вкупниот долг на граѓаните за струја во Србија изнесува околу 171 милион евра.

Од овој месец РТВ надоместокот нема да биде дел од сметката за струја кај северниот сосед .

Свето Николовски