80 години од нуклеарниот напад на Хирошима

Со минутен молк и ѕвоно на мирот, во Хирошима се одбележа 80-годишнината од атомското бомбардирање во кое загинаа 140 илјади луѓе. Три дена подоцна, втора бомба беше фрлена врз Нагасаки, со 70 илјади жртви. На 15 август Јапонија се предаде, со што заврши Втората светска војна. Годишнината доаѓа во време на зголемена меѓународна поддршка за нуклеарно оружје како средство за одвраќање, дури и од Јапонија, додека стотици демонстранти протестираа против него.

„Како премиер, би сакал да ги упатам моите искрени молитви за душите на оние кои ги загубија животите во атомското бомбардирање“, изјави Шигеру Ишиба – јапонски премиер.

„Треба да се смириме и да преземеме акција за да ја направиме оваа година, која ја одбележува 80-годишнината од атомските бомбардирања, година на донесување мир без војни во светот каде што секој може да живее со мир во умот“, изјави Норихико Хачиџо – претседател на Советот на Хирошима.

„Тука сме да се спротивставиме на премиерот Ишиба, кој се залага за заедничко нуклеарно одвраќање и присуствува на комеморацијата. Затоа сме тука. Да се бориме против војната и нуклеарното оружје, како и да се спротивставиме на притисокот кон војна“, изјави Јуко Накагава – демонстрант.