Од полноќ поевтинуваат горивата

Горивата поевтинуваат од полноќ – цените на бензините се намалуваат за половина денар, на дизелот за денар, соопшти Регулаторната комисија за енергетика. Новата цена на Еуросупер БС-95 изнесува 74,5 денари за литар, а на БС 98, 76,5 денари.

Литар дизел ќе се точи по цена од 68,5 денари за литар, а екстра лесното масло за домаќинство поевтинува за денар и половина и ќе се продава за 68 денари. Поевтинува и мазутот, на 39,78 денари за килограм.