Истрага против лицето што се закануваше со подметната бомба во авион

Обвинителство за гонење организиран криминал и корупција, отвори истрага по кривична пријава од МВР, против лице осомничено за тероризам, поради закана за подметната бомба во авион на летот Скопје – Анталија.

Заканата беше упатена на 16-ти овој месец преку бројот за итни случаи 192, по што беа активирани сите антитерористички протоколи. По неколкучасовна проверка било утврдено дека станува збор за лажна пријава.

Осомничениот предизвикал страв, паника и нарушување на воздушниот сообраќај, а Обвинителството за него побара мерка притвор.