Офанзивата во Газа напредува, Нетанјаху нареди преговори за примирје

Додека Израел напредува во операцијата во Газа, Нетанјаху нареди итни преговори за ослободување на сите преостанати заложници и крај на војната под услови прифатливи за Израел, но не се откажува од окупацијата на градот во енклавата и уништувањето на Хамас.

„Дадов инструкции веднаш да се почнат преговори за ослободување на сите наши заложници и да се заврши војната под услови прифатливи за Израел. Овие две прашања – поразување на Хамас и ослободување на сите наши заложници – одат рака под рака“, изјави Бенјамин Нетанјаху, премиер на Израел.

Нетанјаху претходно побара сеопфатен договор со кој ќе се ослободат сите киднапирани, групата ќе се разоружа, појасот ќе се демилитаризира, а контролата врз Газа ќе биде под Израел додека не се воспостави ново управување, кое нема да биде Хамас или палестинската власт. Хамас, кој веќе даде зелено светло за 60-дневно примирје и ослободување на дел од заложниците го обвини Нетанјаху дека го игнорира предлогот и попречува договорот. Во Тел Авив нови протести.