Деканот на Градежен факултет, Горан Марковски влегува во трката за градоначалник на Скопје

Деканот на Градежниот факултет при Универзитетот „Свети Кирил и Методиј“, Горан Марковски, е кандидат за градоначалник на Град Скопје на претстојните локални избори, како дел од граѓанската платформа „Независни заедно“.

„Проф. д-р Горан Марковски е истакнат интелектуалец и борец за безбедно и убаво Скопје. Заедно да му дадеме шанса на градот, да го водат стручни лица со храбро лидерство и визија за поубав град по мерка на човекот“, истакнуваат од „Независни заедно“.

Марковски утре на прес-конференција пред Камениот мост, официјално ќе ја објави својата кандидатура.

Кандидатурата на професорот Марковски е поддржана и од граѓанските иницијативи „Шанса за Центар“, „Зелените за Гази Баба“ и „Групација 389“.

До сега кандидатите за градоначалник на Скопје ги објавија ВМРО-ДПМНЕ, СДСМ и Левица. Кандидат на ВМРО-ДПМНЕ е актуелниот градоначалник на Кисела Вода, Орце Ѓорѓиевски, на СДСМ поранешната министерка за животна средина, Каја Шукова, а на Левица, пратеникот Амар Мециновиќ.