Судење за членови на криминалната група „Беланоца-Барон“

Девет лица од криминалната група „Беланоца-Барон“ на обвинителна клупа. Се товарат за злосторничко здружување, осум убиства, изнуда, закани, палење објекти и автомобили, трговија со дрога, во период од 2020-та до 2024 година. Нарачаните убиства чинеле од 10 до 250 илјади евра.

Според обвинението, членовите на групата го извршиле двојното убиство во „Шиша бар“ и Ханиоти, на припадници на контра групата „Дуќанџик“ од Грчец. На обвинетите им се става на товар и дека биле нарачатели или извршители на пожари на возила на службени лица од затворот Идризово и членови на нивни семејства.