Борјот на заразен со жолтица во Штип се зголеми на 30

Бројот заразени лица со жолтица во Штип се зголеми на 30, откако вчера уште 4 лица беа хоспитализирани на инфективното одделение во штипската клиничка болница. Во Скопје не се регистрирани нови случаи на заболени, кадешто вкупната бројка на заразени со жолтица е 66 лица.

Епидемиолозите се на терен, а надлежните институции преземаат мерки против ширењето на жолтицата. Во Штип најкритична е состојбата во дивоизградените населби Балканска, Каваклија, Шардаван Баши и поранешниот објект на психијатриската болница, кадешто привремено живеат повеќе ромски семејства. Во овие населби има и најмногу диви чешми.