Нов модел на американска одбрана

Речиси сите земји-членки на НАТО имаат воен буџет под 2 процента од БДП, освен  Соединетите Американски Држави и Обединетото Кралство. Америка го намалува  воениот буџет и деновиве лансира нов проект на Федерална одбрана или здружување на  средствата на сојузниците за ефективна одбрана.

Намалувањето на воениот буџет на Соединетите Американски Држави и на земјите- членки на НАТО ја зголеми потребата од синхронизирање на капацитетите на сојузниците  за ефективна одбрана и за почнување на проектот на Федерална одбрана. Оваа  стратегија е намалување на трошоците со здружување на силите и опремата на  сојузниците со Соединетите Американски Држави во атмосфера на економски и  геостратешки предизвици.

„Ќе влијае на НАТО и на Америка. Ќе биде најдобро да почнеме со воздушната одбрана.  Треба да разгледаме колку ова треба да биде и регионално поврзан проект“, потенцира  Ричард Армитаџ, поранешен американски заменик-државен секретар.

Федералната одбрана е можна само со сојузници што се разбираат и што имаат доверба  едни во други во секојдневното заедничко работење во одбраната.

„Ги комбинираме одбранбените капацитети со партнерите, особено со Франција. Бев  амбасадор во Франција и заклучивме дека не е разумно да очекуваме само САД да го  носат товарот на НАТО“, Питер Вестмакот- британски амбасадор во САД.

Она што на Самитот на НАТО во Чикаго беше наречено Паметна одбрана, Вашингтон со  проектот Федерална одбрана го спроведува во реалност, најпрвин здружувајќи ги  поморските сили и подморниците со Велика Британија. 

„По Америка, Британија и Франција, проектот Федерална одбрана треба да се прошири и  на помалите земји-членки и партнерите на НАТО.“

Ирина Гелевска