Денеска на полноќ завршува јавниот увид во Избирачкиот список за локалните избори

Денеска на полноќ завршува јавниот преглед на Избирачкиот список за локалните избори. Граѓаните имаат можност да извршат увид во подрачните единици и канцеларии на Државната изборна комисија до 20 часот. Барањата за внесување, дополнување или отстранување во Избирачкиот список, граѓаните можат да ги достават и по електронска пошта.

На 13-ти септември на полноќ завршува рокот за доставување на листите со кандидати за градоначалници и советници. Изборната кампања ќе почне на 29-ти септември, а првиот круг од локалните избори ќе се одржи на 19-ти октомври на 3.480 избирачки места во 80 општини и во Градот Скопје.