Македонија и Полска ќе ja продлабочат соработката во полето на одбраната

Полска ја подржува политиката на отворени врати на НАТО, а со тоа и македонските аспирации за членство во Алијансата и во Европската унија, порача министерот за одбрана Томаш Шинемонијак по средбата со македонскиот министер за одбрана Зоран Јолевски, кој е во прва работна посета на Полска.

Билатералната соработка во одбраната започната 1966 година меѓу Полска и Македонија зацврстена со уште еден договор. Од самитот на НАТО во Кардиф двајцата министри очекуваат силен сигнал, имајќи го предвид и фактот дека Алијансата мора да бара нов пристап по настаните во Украина и во Европа.

„Нема друг начин освен преговори и изнаоѓање решение за ова прашање.полска нема проблем со името на македонија,бидејќи ја признавме република македонија и така ја ословуваме уште пред девет години“, рече Томаш Шинемонијак, министер за одбрана на Полска.

Јолевски упати благодарност до полскиот народ и до државните авторитети за поддршката за нашето евроатлантско интегрирање.

„Поддршката е од еден респектибилен партнер и членка НАТО и ЕУ. Тоа за нас е дополнителна мотивација за да работиме повеќе“, рече министерот за одбрана, Зоран Јолевски.

Во рамките на посетата на Варшава, македонскиот министер положи венец на гробот на незнајниот јунак, а пак на средбата со вториот човек на Бирото за безбедност, разменети мислења за билатералната соработка но и за состојбата во Украина и на Балканот.

Варшава е последната дестинација на министерот Јолевски пред самитот на НАТО. Идната недела со министерот за надворешни Поповски заминуваат за Кардиф. Овде пак можност да се презентираат реформите и зошто Македонија треба да биде дел од Алијансата.

Милчо Велески.