„Еј-Би-Си“ ја суспендира емисијата „Џими Кимел во живо!“ поради коментари за Чарли Кирк

Американската телевизиска мрежа „Еј-Би-Си“ ја суспендира емисијата „Џими Кимел во живо!“ на неопределено време, откако водителот Џими Кимел даде контроверзни коментари за Чарли Кирк.

Одлуката следува откако медиумскиот гигант „Некстар“, кој управува со 28 станици поврзани со „Еј-Би-Си“, најави дека ќе ја прекине емисијата. Дополнителен притисок врз мрежата дојде и од Федералната комисија за комуникации (ФЦЦ), чиј претседател Брендан Кар се закани со санкции кон радиодифузерите.

Првично, Кимел во својот монолог изјави дека „МАГА бандата се обидува да го претстави убиството на Кирк како нешто друго освен како напад од еден од нив“, што предизвика лавина реакции. Портпарол на мрежата потврди дека емисијата е суспендирана „превентивно“.

Извори за „Холивуд репортер“ велат дека Кимел бил подготвен да објасни дека неговите зборови биле извадени од контекст, но не планирал извинување.

Од „Некстар“ соопштија дека коментарите на Кимел биле „навредливи и нечувствителни“ и дека емисијата не ја одразува разновидноста на мислењата и вредностите во заедниците кои ги покриваат нивните станици.

Суспензијата доаѓа во време кога „Некстар“ се обидува да добие одобрение од ФЦЦ за преземање на компанијата ТЕГНА во вредност од 6,2 милијарди долари – трансакција што би го направила најголем сопственик на локални ТВ-станици во САД.

Фото: Холивуд репортер