Во Брисел состанок по новите повреди на воздушниот простор

Брисел ја нагласи важноста од инвестирање во безбедносен ѕид од дронови за заштита на Унијата. Најавен е состанок со учество на повеќе земји, меѓу кои и засегнатите Полска, Естонија и Данска, на кој ќе се дискутира за неодамнешните нарушувања во воздушниот простор.

„Овие најнови упади со дронови уште еднаш ја истакнуваат работата што е во тек за изградба на Белгиски ѕид за заштита од дронови. Ќе имаме почетен состанок. На листата ја додадовме и Украина, која секако беше целосно поврзана со своето искуство, и секако Данска“, изјави Томас Регние, портпарол на Комисијата на ЕУ.

Данските власти сè уште не можат да идентификуваат кој стои зад беспилотните летала кои го летаа на небото над нивните аеродроми, но не ги отфрлија можностите за руска вмешаност.

„Не можеме да именуваме конкретен актер, но можеме да кажеме дека ова наликува на модел на хибридно војување што го видовме и на други места во Европа. Го проценуваме ризикот од руска шпионажа и саботажа во Данска како висок“, изјави Фин Борх, раководител на Данската безбедносно-разузнавачка служба.

Владата најави инвестиција во зголемувањето на сопствениот капацитет за развој на дронови, нагласувајќи дека соработката со Украина во тој поглед е многу важна.