Белгиски „Ван Хол“ бара работници

Белгиската фабрика за автобуси „Ван Хол“ лоцирана во Технолошко индустриско развојната зона „Скопје 2“ во Бунарџик, распиша оглас за нови вработувања на повеќе позиции. Се бараат: електро инсталатери, електро техничари, столари, автолимари/монтери ,механичари, техничари за хидраулика и пневматика, стручни лица и техничари за  греење, ладење и климатизација.

Огласот е отворен до 1 септември, а кандидатите треба да испратат Си- Ви, со назнака за која работна позиција аплицираат. Белгискиот инвеститор во Бунарџик произведува автобуси кои во најголем дел се пласираат на американскиот пазар. Огласот е резултат на потребата од работници поради зголемување на производството и воведувањето на нови модели на автобуси. Белгиската компанија инвестира 20 милиони евра, а полниот годишен капацитет се очекува да достигне 400 автобуси.