Администрацијата на Трамп бара да се распоредат војници и во Илиноис

Администрацијата на американскиот претседател побарала од Пентагон да испрати 100 американски војници во Илиноис, соопшти гувернерот на државата. Градоначалникот на Чикаго, потпиша извршна наредба за спротивставување на претседателот. И властите во Орегон поднесоа тужба за да го спречат распоредувањето на американските трупи во северозападниот град Портланд, само еден ден откако претседателот Трамп ја нареди мерката.

Портланд е четвртиот град, по Лос Анџелес, Вашингтон и Мемфис, каде што американскиот претседател ја распореди националната гарда.

Шефот на Белата Куќа смета дека распоредувањето на трупи е неопходно за да се спречи криминалот и протестите против кампањата за масовни депортации.