Мисајловски – Хелез: Безбедноста и стабилноста на регионот е апсолутен приоритет

Безбедносната ситуација во регионот е нарушена по руската инвазија во Украина и е потребна поголема соработка во одбраната, заклучиле министрите за одбрана на Македонија и БиХ, Мисајловски и Хелез на средбата во Скопје.

Македонските војници во мисијата АЛТЕА ќе останат во БиХ сè додека е потребно за да придонесат за стабилноста на земјата.

Како членка на НАТО ќе помагаме за прием на БиХ во Алијансата, со обука на старешини во Воената академија и на полигонот Криволак.

Двете држави ќе соработуваат и во наменската воена индустрија.