Калинката – скапоцено есенско овошје со лековити својства

Иако чистењето може да изгледа макотрпно, калинката е едно од највредните есенски овошја. Со историја што датира од 6000 год. п.н.е., таа е симбол на плодност, долговечност и заштита во многу култури, од античка Грција до Блискиот Исток.

Ова овошје е богато со антиоксиданси кои го штитат срцето, ги намалуваат воспалителните процеси и помагаат во одржувањето на здрави артерии. Според првични истражувања, калинката може да има и улога во намалување на ризикот од некои видови рак.

Покрај тоа, содржи елагинска киселина која го стимулира создавањето на колаген, што ја прави природен сојузник против стареењето и појавата на брчки.

Со еден збор – калинката не е само вкусен есенски плод, туку и вистински „еликсир“ за здравје и убавина.