Марибор триумфално во Глазгов, сите други домаќини славеа

Фудбалерите на Марибор по една ипол деценија ќе играат одново во Лигата на шампионите, благодарение на синоќешната победа на гостувањето кај Селтик. Сите 90 минути ги одигра Агим Ибраими, а стрелец на единстениот гол беше Тавареш во 75 минута, со што Марибор го доби двомечот со вкупни 2 : 1 против шкотскиот тим.

Во сите други мечеви домаќините славеа убедливо, Порто со головите на Брахими и на Мартинез во дуелот со Лил за вкупни 3 : 0, Зенит со двата гола на Хулк и еден на Рондон го совлада Стандард со 3 : 0 или заедно со првиот меч 4 :0. Со 3 гола гостите ги испратија и фудбалерите на Бате кои триумфираа над Слован со вкупни 4 : 1, со головите на Гордејчук, Кривец и на Родионов. Конечно во Л Ш ќе игра и Апоел, откако кипарскиот тим по нерешениот меч 1 : 1 во Данска, во реваншот го декласира Алборг со 4 : 0. Стрелци на головите беа Винисиус, Де Винсенти, Алонефтис и Шеридан.

Вечерва се играат другите пет реванш натпревари од “плеј оф“ фазата во Лигата на шампионите, во кои се среќаваат Арсенал – Бешикташ (во првиот меч 0 : 0), Атлетик Билбао – Наполи (1 :1), Баер Леверкузен – Копенхаген (3 : 2), Салцбург – Малме (1 :1) и Лудогорец – Стеауа (0 :1).