„Скаменети потези“ – изложба на Аница Китаноска во Музејот на Град Скопје

Во Музејот на Град Скопје вечерва во 19 часот ќе биде отворена изложбата „Скаменети потези“ на уметницата Аница Китаноска. Куратор на поставката е историчарката на уметност Гордана Велков.

Изложбата ја истражува врската меѓу мозаикот и сликарството, нудејќи современ пристап кон традиционалниот медиум. Китаноска, која магистрирала ликовна уметност и современ мозаик во Равена, вели дека мозаикот за неа претставува „жива основа за експеримент и личен израз“.

Младата уметница од Вевчани зад себе има изложби во Италија, Франција, Амстердам и Скопје, а е добитничка на Националната награда за уметност PNA во Италија (2023).

Поставката ќе биде отворена за јавноста до 22 октомври.