УХМР: Сончево со мала до умерена локална облачност, од среда дожд

Денеска во земјава се очекува сончево време со мала до умерена локална облачност и слаб до умерен ветер од северен ветер, кој ќе биде поизразен долж Повардарието, информираат од УХМР.

Утринската температура се движи во интервал од два до 12 Целзиусови степени, а максималната дневна ќе достигне до 15 до 22 степени.

Во Скопје времето денеска, исто така, ќе биде претежно сончево со умерена облачност и слаб до умерен северен ветер. Дневната температура во главниот град се очекува да се искачи до 21 Целзиусов степен.

Стабилното и релативно топло време, според УХМР ќе се задржи до вторник, а веќе од среда, се очекува промена на временската состојба, кога ќе има услови за локални врнежи од дожд и опаѓање на дневната температура.