Расел Вестбрук потпиша за Сакраменто Кингс

Поранешниот МВП на НБА лигата, Расел Вестбрук, ја продолжува кариерата во Сакраменто Кингс. 37-годишниот плејмејкер, кој минатата сезона настапуваше за Денвер Нагетс со просек од 13,3 поени, 6,1 асистенции и 4,9 скока, ќе биде искусна замена за Денис Шредер.

Вестбрук е близок со неколку членови на Кингс, меѓу кои Домантас Сабонис, Демар ДеРозан и Зак Лавин.

И покрај неговата енергија и искуство, слабата прецизност и бројните изгубени топки беа причина што остана без клуб повеќе од три месеци по почетокот на летниот преоден рок.