Трамп негира дека побарал отстапување на Донбас

Американскиот претседател негира дека побарал од Зеленски да го отстапи целиот регион Донбас на Русија. Трамп предлага земјата да остане како што е сега и да се преговара.

„Никогаш не сме разговарале за тоа. Сметаме дека она што треба да го направат е едноставно да застанат на линиите каде што се на бојните линии. Вие имате бојна линија во моментов. Останатото е многу тешко за преговарање.Има толку многу различни пермутации. Значи, она што го велам е дека тие треба да застанат веднаш на бојните линии, да си одат дома, да престанат да убиваат луѓе и да завршат“, изјави Доналд Трамп, претседател на САД.

Конфликтите не запираат на фронтот. Русија нападна возови со опрема на украинските вооружени сили во регионот Суми. Украински беспилотни летала истовремено гранатираа два од најважните капацитети во руската нафтена и гасна индустрија – фабрика за преработка на гас во Оренбург и нафтена рафинерија во регионот Самара.