Интервју на кандидатите за судии во Стразбур

Комисијата за избор на кандидат на Република Македонија за судија во Европскиот суд за човекови права во Стразбур, денеска ќе одржи состанок во просториите на Уставниот суд.

По состанокот, ќе бидат спроведени интервјуа со кандидатите, кои ќе се одвиваат на англиски и на француски јазик. Во насока на зголемена транспарентност, ќе бидат одржани пред независни набљудувачи, соопштуваат од комисијата.

Станува збор за 11-те кандидати кои треба да бидат интервјуирани. На конкурсот беа пријавени 20 кандидати.