Поради прекин на интернетот утрово паднаа многу веб-страници и апликации
Според светските медиуми, најверојатна причина е „Веб сервисот на Амазон“. Во САД се пријавени повеќе од 2.000 прекини...
Поради прекин на интернетот, голем број веб-страници, онлајн игри и апликации детектираа проблеми во работењето.
Според светските медиуми, најверојатна причина е „Веб сервисот на Амазон“. Во САД се пријавени повеќе од 2.000 прекини.
Од Амазон, пак уверуваат дека прекините се поради зголемена стапка на грешки и доцнења. Меѓу апликациите и услугите погодени од проблемите се, Снапчат, Прајм Видео, Канва, Водафон, Плејстејшн, како и некои банки.
Во јули изминатата година, сличен дефект предизвика откажување на летови низ целиот свет и го наруши работењето на бројни индустрии, вклучувајќи банки, здравствени установи, медиумски куќи и хотелски синџири.