Партиите ја продолжуваат изборната трка во вториот круг

Партиите од власта кои учествуваат на локалните ја продолжуваат изборната трка пред соочувањето со противкандидатите во вториот круг. Коалицијата предводена од ВМРО-ДПМНЕ денеска со митинзи во Лозово, Росоман, Демир Капија и Неготино. Лидерот на коалицијата, Христијан Мицкоски вели – граѓаните во првиот круг гласаа за Македонија, во вториот круг да излезат уште помасовно.

„Очекувам дека на крајот од овие избори, ВМРО-ДПМНЕ и коалицијата ќе имаат 59 градоначалници, во 58 општини коалицијата победи и на советничките листи, обезбедувајќи мнозинство во советите“, изјави Мицкоски.

И тој и кандидатите за градоначалници од оваа партија велат дека е потребно, граѓаните да го изберат патот на развој и напредок и да не дозволат назадување на локалните самоуправи. Кампањата во вториот изборен круг ја продолжуваат и кандидатите за градоначалници на Центар и Куманово од редовите на „Знам“, Мирослав Лабудовиќ и Максим Димитриевски. Изборната трка ја продолжува и коалицијата „Вреди“, која по првиот круг успеа да ги освои Чаир, Сарај, Арачиново. Нивните кандидати за градоначалници бараат поддршка од граѓаните во неколку општини во вториот круг, меѓу кои е и Тетово, каде довербата ја бара Биљал Касами.