Македонија зафатена од поројни дождови

Под влијание на циклонска активност, целата земја зафатена од поројни дождови, а на места и со силен ветер. Денеска најобилни врнежи се очекуваат во западните предели, каде локално ќе наврнат над 30 литри на метар квадратен. Ветровите ќе дуваат од јужен и од југозападен правец, и повремено ќе достигнуваат брзина до 90 километри на час, информираат од Управата за хидрометеоролошки работи.

Од Центарот за управување со кризи велат дека состојбата е мирна и нема поплави, освен во Гостивар и во Тетово, каде што има неколку преполнети шахти и поголемо количество вода во некои населби.

Стабилизација се најавува од среда, но со пониски температури, особено наутро.