Објавен конкурсот за финансирање проекти од национален интерес за 2015-та

 

Секој што е заинтересиран проектот да му биде финансиски поддржан од Министерството за култура од денеска може да ги подигне апликациите, електронски да ги пополни и да ги приложи во архивата на Министерството заедно со потребната документација наведена во конкурсите.

 

Министерката за култура Елизабета Канческа-Милевска на прес-конференција соопшти дека во апликациите за секоја дејност на културата се содржани општи и посебни приоритети, услови и вредносни критериуми според кои ќе се евалуираат проектите. Целта е, нагласи таа, максимална транспарентност во изборот на проектите што ќе ги поддржи Министерството за култура и да бидат избрани тие што се во интерес на  културата.