Продолжува руската офанзива во Украина

Русија продолжува со офанзивата на истокот во Украина, со жестоки борби за Покровск, додека Киев тврди дека го одвраќа непријателот. Русите концентрираат трупи во Купјанск, а Зеленски го истакнува членството во ЕУ како клучна безбедносна гаранција за земјата.

„Руската армија повторно беше принудена да ги помести роковите што си ги постави за освојување на Покровск и Доброполија. Секој руски пораз во овие области придонесува за нашата способност да ја одбраниме нашата држава, да го заштитиме народот и нашата независност“, изјави Володимир Зеленски, претседател на Украина.

Москва започна сериско производство на ракетите „Орешник“, додека Путин најави нова генерација нуклеарни крстосувачки ракети и го пофали „Буревестник“ и дронот „Посејдон“. Во меѓувреме, Киев добива воена и финансиска поддршка од Германија и ЕУ.