Зохран Мамдани избран за нов градоначалник на Њујорк
Тој освои поддршка со планови за бесплатна грижа за деца, бесплатен автобуски превоз и замрзнување на кириите...
Демократскиот социјалист Зохран Мамдани е избран за нов градоначалник на Њујорк, победувајќи го независниот кандидат Ендру Куомо. Тој освои поддршка со планови за бесплатна грижа за деца, бесплатен автобуски превоз и замрзнување на кириите. Мамдани ќе стане прв муслимански градоначалник на Њујорк од 1 јануари. Куомо им се заблагодари на поддржувачите и вети дека ќе му помогне на Мамдани.
„Соборивме политичка династија. Донесовте мандат за промени, за нова политика-за град што можеме да си го дозволиме“, изјави Зохран Мамдани, нов градоначалник на Њујорк.
„Ќе помогнеме на секој можен начин, бидејќи ни е потребно нашата влада на Њујорк да функционира. Ќе се обединиме затоа што го сакаме Њујорк“, изјави Ендру Куомо, независен кандидат за градоначалник на Њујорк.
Демократите победија и на гувернерските избори-Абигејл Спанбергер во Вирџинија и Мики Шерил во Њу Џерси. Трамп посочи дека слабиот резултат на републиканците е поради неговото отсуство од гласачкото ливче и владината блокада, повикувајќи ги партиските колеги да се вратат на работа.