Меркел: Вооружувањето на Курдите ќе спречи ширење на нечовечка терористичка група

Германската канцеларка Меркел пред Бундестагот ја објасни одлуката Германија да ги вооружи Курдите кои војуваат против џихадистите во Ирак.

„Имаме можност да го спречиме ширењето на нечовечка терористичка група и да спасиме човечки животи во северен Ирак. Мора да ја искористиме таа шанса“, рече Ангела Меркел, канцеларка на Германија.

Кон крајот на месецов Германија ќе им достави на Курдите оружје, муниција и противтенковски системи. Во меѓувреме, британскиот премиер Дејвид Камерон побара привремено право за полицијата да запленува пасоши на британски државјани под сомнение дека се обидуваат да и се придружат на Исламска држава.