Средба Мицкоски – Рокас за Извештајот на Европската комисија

Премиерот Христијан Мицкоски денеска ќе се сретне со евроамбасадорот Михалис Рокас, за да разговараат за најновиот Извештај на Европската комисија за напредокот на земјата.

По средбата е најавена заедничка прес-конференција, соопштија од Владата.

Европската комисија на 3-ти ноември го објави извештајот во кој се нагласува потребата земјата да ги заокружи подготвителните активности за отворање на Кластерот „Основи вредности“ и да продолжи со решителни чекори кон исполнување на критериумите за почеток на преговорите.

Претходно, евроамбасадорот Рокас го предаде извештајот на претседателката Гордана Сиљановска-Давкова и го презентираше пред пратениците во Собранието.