Филипините на удар на тајфунот „Фангвонг“

Филипинскиот метеоролошки завод издаде предупредување за опасни бури и налети на ветер, во очекување на главниот удар на тајфунот „Фангвонг“, кој се движи кон источниот брег на земјата и според прогнозите, ќе пристигне до вечер.

Тајфунот, кој се протега на 1.500 километри, веќе зафати делови од источните Филипини со силни дождови и ветрови. Неколку локални самоуправи ја откажаа наставата за понеделник, а националниот авиопревозник на Филипините откажа дел од летовите пред очекуваниот удар на тајфунот врз копното.