Средба Муцунски- Дрекслер

Шефот на дипломатијата, Тимчо Муцунски денеска оствари средба со амбасадорката на Сојузна Република Германија, Петра Дрекслер. Во фокус на разговорите одличните билатерални односи меѓу двете земји и можностите за нивно понатамошно продлабочување.

„Го истакнавме задоволството од континуираниот развој на соработката и од заедничките иницијативи во повеќе области. Посебен акцент ставивме на евроинтегративниот процес, реформите и силната поддршка што Германија ѝ ја дава на нашата земја на тој пат. Разменивме мислења и за идните можности за продлабочување на економската и трговската соработка, како и за други области од заемен интерес“, информираше Муцунски на социјалните мрежи.